Motšulo wa 8 Molao wa Tšweletšo ya Bokgoni le Molao wa Motšhelo wa Tšweletšo ya Bokgoni
Dipoelo tša Thuto :Baithuti ba tla bontšha kwešišo ya gore Melao ye e kgontšha bjang tlhahlo le tšweletšo gore di lefelwe mafelong a mošomo.
SEHLOGO
SEHLOGO SA KA TLASE
MEŠONGWANA
TEKOLO
Molao wa Tšweletšo ya Bokgoni le Molao wa Motshelo wa Tšweletšo ya Bokgoni
Ke ka lebaka la eng Melao ye – Mehola
Lenaneo la Tšweletšo ya Bokgoni Mafelong a Mošomo
Batšeakarolo ba tla ngwala mehola ya Melao go bakgathatema ka go fapana ka go Intaseteri ya Dithekisi
Batšeakarolo ba tla hlaloša kwešišo ya bona ya karolo le mešomo ya TETA ka go Intaseteri ya Dithekisi
Ahlaahla lenaneo la Tšweletšo ya Bokgoni Mafelong a Mošomo
Ka go šoma ka katlego mešongwaneng ka moka yeo e filwego ka go manyuale, baemedi ba tla bontšha kwešišo ya mešomo ya TETA le mehola ya Molao wa Tšweletšo ya Bokgoni le Molao wa Motshelo wa Tšweletšo ya Bokgoni mo intasetiring ya bona
Ka go motšulo wo re ile go nyakišiša gore Melao ye e kgontšha bjang tlhahlo le tšweletšo gore di lefelwe mafelong a mošomo.
Go kgontšha legoratšhomo la go hlama le go diragatša maanotshepetšo a bosetšhaba, lefapha le mafelo a mošomo, go tšweletša le go kaonafatša bokgoni bja maatla a bašomi ba Afrika Borwa; go tsenya maanotshepetšo ao ka go Legoratšhomo la Mangwalo a Thuto la Bosetšhaba leo le hlalošwago ka go Molao wa Bolaodi bja Mangwalo a Thuto 1995; go kgontšha boithuti bjo bo kgontšhago mangwalo a thuto a mošomo ao a dumelelwago; go kgontšha tefelo ya tšweletšo ya bokgoni ka go šomiša lenaneo la tšhelete ya motšhelo le Sekhwama sa Bosetšhaba sa tšweletšo ya bokgoni; go kgontšha le go laola tshepetšo ya ditirelo tša mešomo; le go kgontšha merero yeo e lego mabapi le tšeo.
Bontši bja bakgathatema ka go Intaseteri ya Dinamelwa ba amogetše molaotlhakwa wa tšweletšo ya bokgoni mme ba dirile tšweletšo ya bokgoni karolo ya ka gare ga maanotshepetšo a dikgwebo tša bona.
Bjale ge, re tla ikamanya le dintlha tša Molao wo tšeo di amanago le seo go leka go go fa kwešišo ya tshepetšo yeo e amanago le go tšweletšwa ga lenaneo la tšweletšo ya bokgoni mafelong a mešomo le ka mokgwa wo mong mošomo a ka holegago ka gona ge a ka tšea karolo.
Ka go motšulo wo o tla:
Ngwala mehola ya Molao go bakgathatema ka go fapana
Ngwala mešomo le ditiragatšo tšeo di swanetšego go dirwa ke TETA go netefatša gore lenaneo la tšweletšo ya bokgoni la lefapha ka gare ga maanotshepetšo a Legoratšhomo la Tšweletšo ya Bokgoni la Bosetšhaba le a diragatšwa.
Ahlaahla lenaneo la Tšweletšo ya Bokgoni Mafelong a Mošomo go bontšha bohlokwa bja peakanyo yeo e kopanetšwego magareng ga mong mošomo le bašomi.
MOLAO WA TŠWELETŠO YA BOKGONI 1998
Dipoelo:
Ka go yuniti ye o tla:
Ahlaahla maikemišetšo a Molao mme wa latedišiša ditsela tšeo ka tšona maikemišetšo ao a ka go fihlelelwa.
Maikemišetšo a Molao
Go tšweletša bokgoni bja maatla a bašomi ba Afrika Borwa –
a go oketša maemo a peeletšo ka go thuto le tlhahlo ka go mmaraka wa mešomo le go kaonafatša dipoelo tša peeletšo yeo;
b go hlohleletša beng mošomo go fana ka lefelo la mošomo leo le ka go šoma bjalo ka tikologo yeo e fago thuto;
c go hlohleletša bašomi go tšea karolo ka go boithuti le ka go diporokerama tše dingwe;
d go kaonafatša dikgoba tša mešomo go batho bao ba bego ba di hlokišwa peleng ka kgethollo yeo e bego e sa swanela le go lokiša seemo seo ka tlhahlo le thuto;
e go thuša bašomi go nyaka mošomo le go tsena ka gare ga mmaraka wa mešomo.
Na maikemišetšo a a tla fihlelelwa bjang?
Ka go -
a hlama legoratšhomo la instithušene le la ditšhelete;
b hlohleletša mohlakanelwa magareng ga setšhaba le makala a poraebete a ekonomi go fana ka thuto le tlhahlo ka gare ga lefelo la mošomo;
c šomišana le Bolaodi bja Mangwalo a Thuto bja Afrika Borwa SAQA
Lebelela ka go puku ya mešongwana: Motšulo wa 8, Potšišo ya 1
Dipoelo:
Ka go yuniti ye o tla:
Kwešiša karolo yeo e bapalwago ke Bolaodi bja Bosetšhaba bja Tšweletšo ya Bokgoni
Lebelela sethalwa go bona mo Bolaodi bja Bosetšhaba bja Tšweletšo ya Bokgoni (NSA) bo beilwego ka go sebopego ka kakaretšo (Kgaolo 1 letlakala la mafelelo)
Karolo yeo e bapalwago ke Bolaodi bja Bosetšhaba bja Tšweletšo ya Bokgoni a Go eletša Letona ka ga:
i Molaotshepetšo wa bosetšhaba wa tšweletšo ya bokgoni ii Maanotshepetšo a bosetšhaba a tšweletšo ya bokgoni iii Ditlhahlotsela ka ga tiragatšo ya maanotshepetšo a bosetšhaba a tšweletšo ya bokgoni iv Kabelo ya ditšhelete go tšwa ka go Sekhwama sa Bosetšhaba sa Tšweletšo ya Bokgoni v Melawana yeo e swanetšego go dirwa b Go šoma le Bolaodi bja Lefapha bja Thuto le Tlhahlo SETA ka ga –
i Molaotshepetšo wa bosetšhaba wa tšweletšo ya bokgoni ii Maanotshepetšo a bosetšhaba a tšweletšo ya bokgoni c Go bega go Letona ka ga tšwelopele yeo e dirilwego ka ga tiragatšo ya Maanotshepetšo a bosetšhaba a tšweletšo ya bokgoni d Go nyakišiša merero yeo e hlagago ge go diragatšwa Molao le e Go diragatša maatla le mešomo bjalo ka ge di laelwa ke Molao
Lebelela ka go puku ya mešongwana: Motšulo wa 8, Potšišo ya 2
Dipoelo:
Ka go yuniti ye o tla:
Kgona go hlaloša mešomo ya Bolaodi bja Lefapha bja Thuto le Tlhahlo (SETA)
Hlaloša mekgwa ya go lefela Bolaodi bja Lefapha bja Thuto le Tlhahlo (SETA)
MEŠOMO YA BOLAODI BJA LEFAPHA BJA THUTO LE TLHAHLO (SETA)
Bolaodi bja Lefapha bja Thuto le Tlhahlo (SETA) bo swanetše go:
a Tšweletša lenaneo la lefapha la tšweletšo ya bokgoni ka gare ga legoratšhomo la bosetšhaba la tšweletšo ya bokgoni b Diragatša lenaneo la lefapha la tšweletšo ya bokgoni c Hlohleletša le go godiša boithuti d Ngwadiša dikwano tša boithuti e Kgoboketša le go lefela metšhelo ya lefapha ya tšweletšo ya bokgoni f Šoma le Bolaodi bja Bosetšhaba bja Tšweletšo ya Bokgoni g Bega go Molaodi Pharephare h Thwala bašomi i Diragatša mošomo ofe goba ofe bjalo ka ge o laelwa ke Molao
Lebelela ka go puku ya mešongwana: Motšulo wa 8, Potšišo ya 2
Ditšhelete tša Bolaodi bja Lefapha bja Thuto le Tlhahlo (SETA)
BOLAODI BJA LEFAPHA BJA THUTO LE TLHAHLO (SETA) BO HWETŠA DITŠHELETE GO TŠWA GO:
a metšhelo ya tšweletšo ya bokgoni yeo e kgoboketšwago ka go lefapha la yona lebelela sethalwa letlakaleng leo le latelago b thušo ya tšhelete, dimpho le dikgopelo tšeo bo di fiwago c letseno go tšwa go ditirelo tšeo bo di fago d letseno leo le tšwago go tšhelete yeo e tswalago go yeo e bolokilwego bjalo bjalo.
Tšhelete yeo e hwetšwago ke Bolaodi bja Lefapha bja Thuto le Tlhahlo (SETA) e swanetše go šomišwa fela ka mokgwa wo o beilwego le go diragatša mešomo ya yona le go lefela taolotshepetšo ka gare ga mapheko ao a beilwego
TEFELO YA TŠWELETŠO YA BOKGONI
Ka go leka go diragatša tlhahlo ya bokgoni mo mafelong a mošomo mme ra imolla tefelo ya tlhahlo, lenaneo la motšhelo le tsentšwe go hlohleletša mekgatlo go tšea karolo.
Mekgatlo e tla swanelwa ke go fihlelela dinyakwa tše dingwe tša motheo tša go ka fiwa thušo ya tšhelete. Ge bašomi ba Bolaodi bja Lefapha bja Thuto le Tlhahlo (SETA) ba hlahloba Lenaneo la Tšweletšo ya Bokgoni Lefelong la Mošomo ba tla šomiša dinyakwa tšeo.
THUŠO YA TŠHELETE YA LENANEO LA TŠWELETŠO YA BOKGONI LEFELONG LA MOŠOMO
TETA-SETA e ka lefela thušo ya tšhelete ya lenaneo la tšweletšo ya bokgoni lefelong la mošomo go mong mošomo yo mongwe le yo mongwe yo a:
Ngwadišitšego Mosepediši wa Lenaneo la Tšweletšo ya Bokgoni yo a thwetšwego ka go ikopanya le bašomi goba baemedi ba bona.
Filego Bolaodi bja Lefapha bja Thuto le Tlhahlo (SETA) tshedimošo ka moka yeo e amegago mabapi le Mosepediši wa la Tšweletšo ya Bokgoni ka go foromo yeo e beilwego
Hlagišitšego Lenaneo la Tšweletšo ya Bokgoni Lefelong la Mošomo ka letšatši leo le beilwego ke Bolaodi bja Lefapha bja Thuto le Tlhahlo (SETA) leo le nago le dinyakwa tša motheo tšeo di latelago:
Leina, dintlha tša kgokagano, aterese ya madulo le mohuta wa kgwebo ya mokgatlo
Nomoro ya Ditirelo tša Kgoboketšo ya Metšhelo ya Afrika Borwa (SAR) le nomoro ya SDL
Leina le dintlha ka botlalo tša Mosepediši wa Lenaneo la Tšweletšo ya Bokgoni
Palomoka ya bašomi le palomoka ya meputso ya ngwaga ya mafelelo a ngwaga wo o fetilego wa ditšhelete
Ditlapele tša ngwaga ka ngwaga tša tšweletšo ya bokgoni
Batho bao ba tlago fiwa thušo ya tšweletšo ya bokgoni
Sebopego sa bašomi ge e le gore ga se ba se iša ngwageng wo o fetilego
Tekolo ya sekgoba sa pharologanyo ya bokgoni le dinyakwa tša tlhahlo ka gare ga mokgatlo
Tshaeno go tšwa go motho yo a filwego maatla ka gare ga mokgatlo gammogo le Mosepediši wa Lenaneo la Tšweletšo ya Bokgoni SDF le moemedi wa bašomi motho yo wa mafelelo yena a ka dira seo ge mokgatlo o na le bašomi bao ba fetago ba 50.
Thušo ya tšhelete e ka lekana le % ya metšhelo yeo e lefelwago ke mong mošomo ka go ngwaga woo wa ditšhelete.
TŠHELETE YA GO THUŠA TIRAGATŠO YA TŠWELETŠO YA BOKGONI MAFELONG A MOŠOMO
TETA-SETA di ka lefela tšhelete ya go thuša tiragatšo ya tšweletšo ya bokgoni mafelong a mošomo go mong mošomo yo a:
Nago le maswanedi a go hwetša tšhelete ya thušo ya Lenaneo la Tšweletšo ya Bokgoni lefelong la mošomo
Yo a hlagišitšego pego ka ga tiragatšo ya gagwe ya Lenaneo la Tšweletšo ya Bokgoni lefelong la mošomo leo le nago le tshedimošo yeo e latelago:
Dintlha tša mokgatlo le Mosepediši wa Lenaneo la Tšweletšo ya Bokgoni
Diporokerama tša Thuto le Tlhahlo tšeo di filwego mo ngwageng wa ditšhelete (1 Aporele 2003 – 31 Matšhe 2004)
Pego ka ga batho bao ba filwego thuto le tlhahlo
Bohlatse bja gore ditlapele tša lefapha di etšwe hloko
Bohlatse bja tshepelelano le ditlapele tša Tekatekano
Tshaeno ya tumelelo.
Thušo ya tšhelete e ka lekana le ……% ya metšhelo yeo e lefetšwego ke mong mošomo ka go ngwaga woo wa ditšhelete.
THUŠO YE NNGWE YEO E KA AKANYWAGO YA TŠHELETE
TETA-SETA di ka šomiša letseno leo le šetšego la metšhelo, go akaretšwa tšhelete yeo e sego ya kgopelwa ke beng mošomo mabapi le thušo ya tšhelete ya motšhelo, go akanyetša dithušo tšeo:
Thušo ya boithuti - TETA-SETA di ka abela 80% ya thušo yeo go tšhelete ya baithuti ka go Porokerama ya Boithuti
Thušo ya Diporokerama tša Tšweletšo ya Bokgoni - TETA-SETA di ka abela ….10% ya tšhelete yeo ya thušo go Diporokerama tša Tšweletšo ya Bokgoni
Dipoelo:
Ka go yuniti ye o tla:
Lebelela foromo ya kwano ya boithuti mme wa kwešiša maikemišetšo a go tsenya tiragatšo ya boithuti.
Molao le boithuti.
Molao o hlaloša gore ke ka lebaka la eng go swanetše gore go hlangwe boithuti, bo ngwadišwe mme bo sepetšwe ka taolo.
Boithuti bo swanetše go ba le lenaneothuto leo le hlamilego ka sebopego sa lona mme le akaretše maitemogelo a tiragatšo ya mošomong yeo e itšeng le lebaka la maitemogelo.
Boithuti bo tla fana ka mangwalo a thuto ao a ngwadišitšwego le Bolaodi bja Mangwalo a Thuto bja Afrika Borwa (SAQA) mme mangwalo ao a amana le mošomo.
Dikwano tša boithuti
Kwano ya boithuti ke tokomane yeo e bofago ka semolao magareng ga -
Moithuti
Mong mošomo le mohlahli.
E tlatšwa ka go foromo yeo e beilwego mme e ngwadišitšwe le Bolaodi bja Lefapha bja Thuto le Tlhahlo ka mokgwa wo o beilwego.
Molao o tšwela pele go hlaloša:
Dikontraka tša mošomo le moithuti 18 le 18 magoro le dikgakgano tšeo di bago gona
Lebelela puku ya mošongwana: Motšulo wa 8,Potšišo ya 3
Tšeo di latelago ke kakaretšo ya merero ye mengwe yeo e lego mabapi le Molao yeo re ka se e šalego morago ga bjale:
Kgaolo ya 5: Diporokerama tša Tšweletšo ya Bokgoni
Kgaolo ya 6: Diinstithušene ka go Kgoro ya tša Mešomo
Kgaolo ya 7 Tefelo ya tša Tšweletšo ya Bokgoni
Kgaolo ya 8 Kakaretšo
Molao wa Tšweletšo ya Bokgoni
Seo se latelago ka fase ke setatamente sa kakaretšo sa Molao.
Bala setatamente se mme o dire tshwaetšo ka boripana ka se sengwe le se sengwe sa tšeo di latelago:
Ahlaahla dipotšišo tšeo di latelago tšeo di amanago le kakaretšo le tshedimošo yeo e hwetšwago ka go dikgaolo tšeo di amegago tša Molao, ka go sehlopha sa lena, bjale lekang go araba dipotšišo tšeo di latelago.
Šomiša tshedimošo ka go Molao ka tlase ga dikgaolo tšeo re go lemošago tšona.
Potšišo ya 1: (lebelela Kgaolo ya 1)
Efa mabaka a mararo gore ke ka lebaka la eng re swanetše go tšweletša bokgoni bja maatla a bašomi ba Afrika Borwa.
Ngwala mabaka a mangwe a mane gore ke ka lebaka la eng go tsentšwe Molao wo.
Potšišo ya 2: (Kgaolo ya 2 le 3)
Tlatša dikgoba tšeo di lego ka tlase go bontšha kamano magareng ga Bolaodi bja Bosetšhaba bja Tšweletšo ya Mošomo le Bolaodi bja Lefapha bja Thuto le Tlhahlo.
Dira kakaretšo ya mešomo ya ditho tše pedi.
Hlagiša kakaretšo ye go batšeakarolo ka moka ba sehlopha.
Potšišo ya 3 Boithuti (Kgaolo ya 4)
Boithuti ke eng? ………………………………………………….
Ge go le bjalo, ke bofe?………………………………………………..
Ge go le bjalo o ka bo fihlelela bjang?…………………………
Ke mahlakore a fe ao a swanetšego go saenela boithuti?
Potšišo ya 4 Kgaolo ya 5 Diporokerama tša Tšweletšo ya Bokgoni
Diporokerama tša Tšweletšo ya Bokgoni ke eng? (Bala tshedimošo ( letlakala la 15) mme le ngwale fase tlhalošo ya sehlopha sa lena )
Diporokerama tša Tšweletšo ya Bokgoni di lefelwa bjang?
Naa Bolaodi bja Lefapha bja Thuto le Tlhahlo e tšea kae tšhelete ya go lefela diporokerama tše? (letlakala la 19 Kgaolo ya 7 le yuniti ya 3 ya Manyuale)
Ke mang yo a nago le maikarabelo a go thala lenaneo la tšweletšo ya bokgoni lefelong la mošomo? lebelela 3.4 Yuniti ya 3 Kgaolo ya 2 ya Manyuale
Potšišo ya 5
Kgetha go tšwa go letlakala leo le filwego ka tlase, mešomo/tiragatšo yeo e swanetšego go tšewa ke Bolaodi bja Lefapha bja Thuto le Tlhahlo (SETA) go netefatša gore Lenaneo la Lefapha la Tšweletšo ya Bokgoni ka gare ga legoratšhomo la bosetšhaba la Tšweletšo ya Bokgoni le a diragatšwa.
Mohlala
Tiragatšo
Go diragatša Lenaneo la Lefapha la Tšweletšo ya Bokgoni
Kabelo ya thušo ya tšhelete go beng mošomo
Tiragatšo
Kgodišo ya boithuti
Tekolo ya mafelo a mošomo go dirišetšwa maitemogelo a tiragatšo ya mošomo
Tiragatšo
Go šoma le Bolaodi bja Bosetšhaba bja Tšweletšo ya Mošomo
Hlama boithuti
Go dumelela mananeo a tšweletšo ya bokgoni mafelong a mošomo
Tekolo ya mafelo a mošomo go dirišetšwa maitemogelo a tiragatšo ya mošomo
Thekgo ya tšweletšo ya materiale wa boithuti
Molaotshepetšo wa bosetšhaba wa tšweletšo ya bokgoni
Maanotshepetšo a bosetšhaba a tšweletšo ya bokgoni
Kabelo ya thušo ya tšhelete ka mokgwa wo o beilwego go beng mošomo, baabi ba thuto le tlhahlo le bašomi
Lenaneo la lefapha la tšweletšo ya bokgoni
Go kaonafatša kgontšho ya go ithuta
Hlokomela thuto le tlhahlo ka go lefapha
Go thuša ka go phethagatša dikwano tša boithuti
Go thwala Mosepediši wa Tšweletšo ya Bokgoni
Go thala Lenaneo la Lefapha la Tšweletšo ya Bokgoni
